2 ໜ່ວຍພັກກົມພະລະ ແລະ ສິລະປະສຶກສາ ແລະ ໜ່ວຍພັກກົມກິດຈະການນັກສຶກສາ ດຳເນີນຊີວິດການເມືອງປະຈຳປີ 2017

2 ໜ່ວຍພັກ​ກົມ​ພະລະ ແລະ ສິລະປະສຶກສາ ​ແລະ ໜ່ວຍ​ພັກ​ກົມ​ກິດຈະການ​ນັກ​ສຶກສາ ດຳ​ເນີນ​ຊີວິດ​ການ​ເມືອງ​ປະຈຳ​ປີ 2017

                         

       ໜ່ວຍ​ພັກ​ກົມ​ພະລະ ​ແລະ ສິລະ​ປະ​ສຶກສາ ​ແລະ ໜ່ວຍ​ພັກ​ກົມ​ກິດຈະການ​ນັກ​ສຶກສາ ກະຊວງ​ສຶກສາ​ທິການ ​ແລະ ກິລາ (ສສກ) ​ໄດ້​ຈັດ​ກອງ​ປະຊຸມ​ດຳ​ເນີນ​ຊີວິດ​ການ​ເມືອງ​ປັບປຸງ​ປົວ​​ແປງ​ພາຍ​​ໃນ​ໜ່ວຍ​ພັກ ປະຈຳ​ປີ 2017 ​ເພື່ອ​ປັບປຸງ​ທາງ​ດ້ານ​ແນວ​ຄິດ, ​ແບບ​ການ​ນຳພາ ​ແລະ ວິທີ​ການ​ເຮັດ​ວຽກ​ພາຍ​ໃນ​ໜ່ວຍ​ພັກ​ກົມ​​ໃຫ້​ມີ​ຄວາມ​ປອດ​ໃສ​ເຂັ້ມ​ແຂງ.

       ກອງ​ປະຊຸມ​ດັ່ງກ່າວ, ​ໄດ້​ຈັດ​ຂຶ້ນ​ໃນ​ວັນ​ທີ 26 ມີ​ຖຸນາ ​ຜ່ານ​ມາ ທີ່​ຫ້ອງ​ປະຊຸມ​ກະຊວງ​ສຶກສາ​ທິການ ​ແລະ ກິລາ (​ເຂດ​ສະໜາມກິລາ​ເຈົ້າ​ອານຸວົງ), ​ໂດຍ​ໃຫ້​ກຽດ​ເປັນ​ປະທານ​ຂອງ​ ສະຫາຍ ຮສ.ປອ ກອງ​ສີ ​ແສງ​ມະນີ ຮອງ​ເລຂາ​ຄະນະ​ພັກ, ຮອງ​ລັດຖະມົນຕີ ກະຊວງ​ສຶກສາ​ທິການ ​ແລະ ກິລາ, ມີ​ເລຂາ​ໜ່ວຍ​ພັກ ພ້ອມ​ດ້ວຍ​ສະມາຊິກ​ພັກ ​ທັງ 2 ໜ່ວຍ​ພັກ ​ແລະ ສະມາຊິກ​ພັກ​ບຳນານ​ເຂົ້າ​ຮ່ວມ​ຢ່າງ​ພ້ອມພຽງ.

       ສຳລັບ​ກອງ​ປະຊຸມ​ດຳ​ເນີນ​ຊີວິດ​ການ​ເມືອງ​ປັບປຸງ​ປົວ​ແປງ​ພາຍ​ໃນ​ໜ່ວຍ​ພັກ​ຄັ້ງ​ນີ້, ​ແມ່ນ​ຈະ​ດຳ​ເນີນ​ໄປ​ເປັນ​ເວລາ 4 ວັນ (26-29 ມີ​ຖຸນາ) ​ໂດຍ ​ໄດ້​ຮັບ​ຟັງ​ການ​ເຜີຍ​ແຜ່​ເອກະສານ​ເດັດດ່ຽວ ປັບປຸງ​ປົວ​ແປງ​ພັກ​ປອດ​ໃສ, ​ເຂັ້ມ​ແຂງ ​ແລະ ໜັກ​ແໜ້ນ; ຕີ​ລາຄາ​ຄວາມ​ຮັບຜິດຊອບ​ການ​ນຳພາ​ລວມຂອງ​ຄະນະ​ໜ່ວຍ​ພັກ ຕັ້ງ​ແຕ່​ກອງ​ປະຊຸມ​ໃຫຍ່​ຂອງ​ອົງຄະ​ນະ​ພັກ​ກະຊວງ​ສຶກສາ​ທິການ ​ແລະ ກິລາ ຄັ້ງ​ທີ 8 ​ເປັນ​ຕົ້ນ​ມາ; ສະມາຊິກ​ພັກ​ປະກອບ​ຄຳ​ຄິດ​ຄຳ​ເຫັນ; ​ແນະ​ນຳການ​ຂຽນ​ເນື້ອ​ໃນ​ສຳ​ຫຼວດຄະນະ​ໜ່ວຍ​ພັກ ​ແລະ ສະມາຊິ​ພັກ, ​ແນະນຳ​ການ​ຂຽນ​ຄຳ​​ເຫັນ​ຕິ​ຊົມ, ​ແນະນຳ​ການ​ທາ​ບທ່ມ ​ແລະ ລົງ​ຄະ​ແນນ​ສຽງ.

       ​ໂອກາດ​ດັ່ງກ່າວ ສະຫາຍ ຮສ.ປອ ກອງ​ສີ ​ແສງ​ມະນີ ​ໄດ້​ຮຽກຮ້ອງ​ໃຫ້​ບັນດາ​ສະມາຊິກ​ພັກ ຕ້ອງ​ມີ​ສະຕິ, ມີ​​ແນວ​ຄິດ​ຫຼັກ​ໝັ້ນ, ມີ​ຄວາມ​ສາມັກ​ຄີ​ຮັກ​ແພງ, ມີ​ທັດສະນະ​ຕໍ່​ແນວທາງ​ນະ​ໂຍບາຍ​ຂອງ​ພັກ ​ແລະ ລັດ ​ໃຫ້​ເພີ່ມ​ຂຶ້ນ, ຕ້ອງ​ມີ​ການ​ປັບປຸງ​ແບບ​ແຜນການ​ນຳພາ, ວິທີ​ການ​ເຮັດ​ວຽກ​ພ້ອມ​ທັງ​ໃຫ້​ເອົາ​ໃຈ​ໃສ່​ໃນ​ການ​ຕຳ​ນິສົ່ງ​ຂ່າວ​ເຊິ່ງກັນ ​ແລະ ກັນ ຢ່າງ​​ແຂງ​ແຮງ, ມີ​ຄວາມ​ເລິກ​ເຊິ່ງ ​ແລະ ຈິງ​ໃຈ ບົນພື້ນຖານ​ຂໍ້​ມູນ​ຕົວ​ຈິງ ​ເຮັດ​ໃຫ້ການ​ດຳ​ເນີນ​ຊີ​ວິການ​ເມືອ​ງຄັ້ງ​ນີ້, ​ເປັນ​ການ​ປັບປຸງ​ປົວ​ແປງ​ພາຍ​ໃນ​ພັກ​ຢ່າງ​​ແທ້​ຈິງ ​ເພື່ອ​ບຸກທະລຸ​​ໃນ​ການ​ປັບປຸງ, ກໍ່ສ້າງ​ພັກ​ໃຫ້​ປອດ​ໃສ, ​ເຂັ້ມ​ແຂງ ​ແລະ ໜັກ​​ແໜ້ນ.