ກຳມະບານກົມກິດຈະການນັກສຶກສາຕີລາຄາການເຄື່ອນໄຫວວຽກງານປະຈຳປີ 2016

 

ກຳມະບານ ກົມກິດຈະການນັກສຶກສາ

ຕີລາຄາການເຄື່ອນໄຫວວຽກງານ ປະຈຳປີ 2016

 

   

       ກຳມະບານຮາກຖານກົມກິດຈະການນັກສຶກສາ ກະຊວງສຶກສາທິການ ແລະ ກິລາ ຈັດກອງປະຊຸມສະຫຼຸບຕີລາຄາການເຄື່ອນໄຫວວຽກງານ ປະຈຳປີ 2016 ແລະ ວາງທິດທາງແຜນການເຄື່ອນໄຫວ ປະຈຳປີ 2017 ພ້ອມທັບຈັບມືເປີດບັ້ນຂໍ້ແຂ່ງຂັນ 5 ເປັນເຈົ້າ ເພື່ອເຮັດໃຫ້ສະມາຊິກກຳມະບານພາຍໃນກົມ ມີການແຂ່ງຂັນກັນສ້າງຜົນງານ ແລະ ເປັນແບບຢ່າງທີ່ດີໃກ້ກັບເຍົາວະຊົນ ໃນອະນາຄົດ.

       ກອງປະຊຸມດັ່ງກ່າວ ຈັດຂຶ້ນໃີ່ນວ້ັນທີ 17 ມັງກອນ 2017 ທີ່ຫ້ອງປະຊຸມຊັ້ນນ 3 ກະຊວງສຶກສາທິການ ແລະ ກິລາ (ເຂດເຈົ້າອານຸວົງ) ໂດຍໃຫ້ກຽດເຂົ້າຮ່ວມຂອງ ສະຫາຍ ສຈ.ປອ.ຄຳລືຊາ ນວນສະຫວັນ ເລຂາໜ່ວຍພັກກົມ, ຫົວໜ້າກົມກິດຈະການນັກສຶກສາ ກະຊວງສຶກສາທິການ ແລະ ກິລາ ແລະ ສະຫາຍ ປອ.ຄຳຕັນ ສົມວົງ ຄະນະບໍລິຫານງານສະຫະພັນກຳມະບານ ກະຊວງ ສສກ ທັງເປັນຫົວໜ້າກຳມະບານຮາກຖານກົມກິດຈະການນັກສຶກສາ ກະຊວງ ສສກ ພ້ອມດ້ວຍບັນດາຜູ້ຕາງໜ້າກຳມະບານຮາກຖານ ອ້ອມຂ້າງກະຊວງ ແລະ ສະມາຊິກກຳມະບານພາຍໃນກົມ ເຂົ້າຮ່ວມ 26 ສະຫາຍ.

       ໃນໂອກາດນີ້, ສະຫາຍ ປອ.ຄຳຕັນ ສົມວົງ ໄດ້ໃຫ້ທິດຊີ້ນຳຕໍ່ການຈັດຕັ້ງປະຕິບັດວຽກງານໃນຕໍ່ໜ້າ ໃຫ້ຮູ້ວ່າ: ໃຫ້ສະມາຊິກທຸກຄົນຕ້ອງເອົາໃຈໃສ່ໃນການນຸ່ງເຄື່ອງແບບ ຕາມລະບຽບກຳມະບານກຳນົດໄວ້; ໃຫ້ແຕ່ລະຈຸຫັນເອົາແຜນປະຈຳປີ, ແຜນ 5 ເປັນເຈົ້າ ເຂົ້າໃນແຜນປະຈຳເດືອນ; ການປະຕິບັດຂໍ້ແຂ່ງຂັນລະຫວ່າງຈຸຕໍ່ຈຸພາຍໃນໜ່ວຍ ແລະ ຕ້ອງມີການແຂ່ງຂັນກັບຮາກຖານກຳມະບານອື່ນ ເພື່ອໃຫ້ບັນລຸຕາມແຜນການທີ່ວາງໄວ້ ແລະ ໃຫ້ມີການຖອດຖອນບົດຮຽນໃນການຈັດຕັ້ງປະຕິບັດ 5 ຂໍ້ແຂ່ງຂັນ ກັບກຳມະບານຮາກຖານອື່ນ.

       ໃນກອງປະຊຸມດັ່ງກ່າວ, ຍັງໄດ້ຜ່ານບົດສະຫຼຸບການເຄື່ອນໄຫວ ປະຈຳປີ 2016, ເຊິ່ງໄດ້ມີວຽກງານທາງດ້ານການເມືອງແນວຄິດ, ວຽກງານປັບປຸງການຈັດຕັ້ງ, ວຽກງານສ້າງຂະບວນການ ແລະ ວຽກງານວິຊາການ, ວຽກງານປົກປ້ອງສິດ ແລະ ຜົນປະໂຫຍດຂອງສະມາຊິກຳມະບານ ແລະ ວຽກງານກວດກາ. ສ່ວນທິດທາງແຜນການເຄື່ອນໄຫວໃນຕໍ່ໜ້າແມ່ນໃຫ້ສືບຕໍ່ເອົາໃຈໃສ່ວຽກງານທາງດ້ານການເມືອງແນວຄິດ, ດ້ານວິຊາການ ແລະ ການສ້າງຂະບວນການ, ດ້ານປ້ອງກັນສິດ ແລະ ຜົນປະໂຫຍດຂອງກຳມະບານ. ນອກຈາກນັ້ນ, ພາຍໃນກອງປະຊຸມຍັງໄດ້ຜ່ານແຜນການຂໍ້ແຂ່ງຂັນ 5 ເປັນເຈົ້າ ປະຈຳປີ 2017 ໂດຍມີຫົວໜ້າຈຸ ແລະ ຮອງຈຸ ທັງ 2 ຈຸ ຂຶ້ນປະຕິຍານຈັບມືແຂ່ງຂັນ.