ກົມກິດຈະການນັກສຶກສາໄດ້ເຕົ້າໂຮມນັກສຶກສາ ກ່ອນອອກເດີນທາງໄປຮຽນຕໍ່ຢູ່ ສສ ຫວຽດນາມ

ກົມ​ກິດ​ຈະ​ການ​ນັກ​ສຶກ​ສາ​ໄດ້​ເຕົ້າ​ໂຮມ​ນັກ​ສຶກ​ສາ

ກ່ອນ​ອອກ​ເດີນ​ທາງ​ໄປ​ຮຽນ​ຕໍ່​ຢູ່ສ​ສຫວຽດ​ນາມ

          ໃນ​ມື້​ວັນ​ສຸກວັນ​ທີ19 ກັນ​ຍາ​ແລ້ວນີ້, ກົມ​ກິດ​ຈະ​ການ​ນັກ​ສຶກ​ສາໄດ້​ຈັ​ດ​ຕັ້ງ​ການ​ເຕົ້າ​ໂຮມ​ນັກ​ສຶກ​ສາ​ທີ່​ໄດ້​ຮັບ​ທຶນ​ການ​ສຶກ​ສາ​ຈາກ​ການ​ຮ່ວມ​ມື​ຊ່ວຍ​ເຫຼືອ​ຂອງ​ລັດ​ຖະ​ບານ​ຫວຽດ​ນາມ, ກ່ອນ​ພວກ​ກ່ຽວ​ຈະ​ອອກ​ເດີນ​ທາງ​ໄປ​ຮຽນ​ຕໍ່​ທີີ່ສ​ສ. ຫວຽດ​ນາມ.

          

    ງານ​ພົບ​ປະ​ຄັ້ງ​ນີ້​ໄດ້​ຮັບ​ກຽ​ດ​ເຂົ້າ​ຮ່ວມ​ຂອງ​ທ່ານສ​ຈ.ດ​ຣ. ຄຳ​ລື​ຊານວນ​ສະ​ຫວັນ, ຫົວ​ໜ້າ​ກົມ​ກິດ​ຈະ​ການ​ນັກ​ສຶກ​ສາ, ທ່ານຟາມວັນແຄັງທູດ​ສຶກ​ສາແລະວັດ​ທະ​ນະ​ທຳສ​ສ. ຫວຽດ​ນາມປະ​ຈຳ​ລາວແລະທ່ານດ​ຣ. ຄຳ​ຕັນສົມ​ວົງ, ຮອງ​ຫົວ​ໜ້າ​ກົມ​ກິດ​ຈະ​ກາ​ນ​ນັກ​ສຶກ​ສາຜູ້​ຊີ້​ນຳ​ວຽກ​ງານ​ການ​ຄຸ້ມ​ຄອງ​ນັກ​ສຶກ​ສາຊຶ່ງ​ທ່ານ​ທັງ​ສາມໄດ້​ສະ​ແດງ​ຄວາມ​ຮັກ​ແພງເປັນ​ຫ່ວງ​ເປັນ​ໃຍ ແລະ ລະ​ດົມ​ຈິດ​ໃຈ​ໃຫ້​ນັກ​ສຶກ​ສາ​ຕັ້ງ​ໃຈ​ຮ່ຳ​ຮຽນ​ເພື່ອ​ນຳ​ເອົາ​ຄວາມ​ຮູ້​ຄວາມ​ສາ​ມາດ​ອັນ​ໃໝ່​ມາ​ພັດ​ທະ​ນາ​ສ້າງ​ສາ​ປະ​ເທດ​ຊາດ​ໃນ​ອະ​ນາ​ຄົດ ຊຶ່ງ​ຈະ​ເປັນ​ການ​ປະ​ກອບ​ສ່ວນ​ເພີ່ມ​ພູນ​ຄູນ​ສ້າງ​ການ​ຮ່ວມ​ມື ແລະ ຄວາມ​ສາ​ມັກ​ຄີ​ແບບ​ພິ​ເສດ​ລະ​ຫວ່າງ​ສອງ​ຊາດ​ລາວ-ຫວຽດ​ນາມ​ໃຫ້​ນັບ​ມື້​ນັບ​ແໜ້ນ​ແຟ້ນ. ນອກ​ຈາກ​ນັ້ນນັກ​ສຶກ​ສາ​ຍັງ​ໄດ້​ຮັບ​ຟັງ​ການ​ເຜີຍ​ແຜ່​ຂໍ້​ຕົກ​ລົງ​ຂອງ​ລັດ​ຖະ​ມົນ​ຕີ​ວ່າ​ດ້ວຍ​ລະ​ບຽບ​ການ​ຄຸ້ມ​ຄອງ​ນັກ​ຮຽນ​ນັກ​ສຶກ​ສາ​ທີ່​ໄປ​ສຶກ​ສາ​ຢູ່​ຕ່າງ​ປະ​ເທດ ສະ​ບັບ​ເລກ​ທີ3552/ສ​ສກ.ກນ.13, ຄຳ​ແນະ​ນຳ​ກ່ຽວ​ກັບ​ການ​ເດີນ​ທາງ ແລະ ງານ​ດຳ​ລົງ​ຊີ​ວິດ​ເວ​ລາ​ຢູ່​ປະ​ເທດ​ຫວຽດ​ນາມ.

          ໃນ​ປີ2014 ນີ້​ລັດ​ຖະ​ບານ​ຫວຽດ​ນາມ​ໄດ້​ຊ່ວຍ​ເຫຼືອ​ທຶນ​ການ​ສຶກ​ສາ​ແກ່​ລັດ​ຖະ​ບານ​ລາວຈຳ​ນວນ907 ທຶນ​ໃນ​ນັ້ນ​ທຶນ​ໄປ​ຮຽນ​ໄລ​ຍະ​ຍາວ614 ທຶນແລະໄປ​ຝຶກ​ອົບ​ຮົມ​ຍົກ​ລະ​ດັບ​ໄລ​ຍະ​ສັ້ນ293 ທຶນ. ໃນ​ສ່ວນ​ຂອງ​ກະ​ຊວງ​ສຶກ​ສາ​ທິກ​ານແລະກິ​ລາແມ່ນ​ມີ​ໜ້າ​ທີ່​ຄຸ້ມ​ຄອງ​ການ​ຄັດ​ເລືອກ​ທຶນ​ຂົງ​ເຂດ​ວິ​ທະ​ຍາ​ສາດ​ທົ່ວ​ໄປ405 ທຶນໃນ​ນັ້ນ​ມີ​ທຶນ​ລະ​ດັບ​ປະ​ລິນ​ຍາ​ຕີ160 ທຶນ, ປະ​ລິນ​ຍາ​ໂທ135 ທຶນແລະປະ​ລິນ​ຍາ​ເອ​ກ25 ທຶນ. ສ່ວນ​ເຫຼືອ​ແມ່ນ​ທຶນ​ໄລ​ຍະ​ສັ້ນ.

          ເພື່ອ​ຍົກ​ສູງ​ຄຸນ​ນະ​ພາບ, ນັກ​ສຶກ​ສາ​ໄດ້​ຜ່ານ​ຂະ​ບວນ​ການ​ຄັດ​ເລືອກ​ຄັກ​ແນ່ແລະຍັງ​ໄດ້​ກະ​ກຽມ​ພາ​ສາ​ຫວຽດ​ນາມ​ຢູ່ສ​ປ​ປລາວເປັນ​ເວ​ລາ4 ເດືອນ.

          ນັກ​ສຶກ​ສາ​ໄດ້​ທະ​ຍອຍ​ກັນ​ໄປສ​ສ. ຫວຽດ​ນາມ​ເປັນຫຼາຍ​ກຸ່ມຊຶ່ງ​ກຸ່ມ​ທຳ​ອິດ​ໄດ້​ອອກ​ເດີນ​ທາງ​ດ້ວຍ​ເຄື່ອງ​ບິນ​ໃນ​ວັນ​ທີ11 ກັນ​ຍາ​ແລ້ວນີ້ໂດຍ​ມີ​ພະ​ນັກ​ງານ​ຂອງ​ກົມ​ກິດ​ຈະ​ກາ​ນ​ນັກ​ສຶກ​ສາ​ອອກ​ຕິດ​ຕາມ​ຄວາມ​ເປັນ​ລະ​ບຽບ​ຮຽບ​ຮ້ອຍ​ທີ່​ສະ​ໜາມ​ບິນ.