ກົມ​ກິດ​ຈະ​ການ​ນັກ​ສຶກ​ສາ(ສ​ສກ)ຍ້ອງ​ຍໍຜູ້​ມີ​ຜົນ​ງານ​ດີ​ ເດັ່ນປະ​ກອບ​ສ່ວນ​ເຂົ້າ​ໃນ​ວຽກ​ງ​ານ​ປະ​ຈຳ​ປີ

ປະ​ຕິ​ບັດ​ຕາມ​ຂໍ້​ຕົກ​ລົງ​ຂອງ​ລັດ​ຖະ​ມົນ​ຕີ​ວ່າ​ການ​ກະ​ຊວງ​ສຶກ​ສາ​ທິ​ການແລະກິ​ລາ, ກົມ​ກິດ​ຈະ​ການ​ນັກ​ສຶກ​ສາໄດ້ຈັດ​ຕັ້ງ​ພິ​ທີ​ມອບ​ໃບ​ຍ້ອງ​ຍໍ​ຂັ້ນ​ກະ​ຊວງແລະຂັ້ນ​ກົມໃຫ້​ແກ່​ພະ​ນັກ​ງານ​ລັດ​ຖະ​ກອນ​ພາຍ​ໃນ​ກົມ​ຈຳ​ນວນ24 ທ່ານ, ຍິງ11 ທ່ານທີ່​ມີ​ຜົນ​ງານ​ດີ​ເດັ່ນ​ປະ​ກອບ​ສ່ວນ​ຕັ້ງ​ໜ້າ​ເຂົ້າ​ໃນ​ການ​ປະ​ຕິ​ບັດ​ໜ້າ​ທີ່​ວຽກ​ງານໃນ​ສົກ​ປີ2012-2013.

   

       ພິ​ທີ​ມອບ​-ຮັບ​ໃບ​ຍ້ອງ​ຍໍ​ດັ່ງ​ກ່າວໄດ້​ມີ​ຂຶ້ນ​ເມືອ​ວັນ​ທີ15 ສິງ​ຫາ2014 ທີ່​ກະ​ຊວງ​ສຶກ​ສາ​ທິ​ການແລະກິ​ລາ(ເຂດ​ເຈົ້າ​ອາ​ນຸ​ວົງ) ໂດຍ​ການໃຫ້​ກຽດ​​ເປັນ​ປະ​ທານ​ຂອງ​ທ່ານຮສ.ດ​ຣກອງ​ສີແສງ​ມະ​ນີລັດ​ຖະ​ມົນ​ຕີ​ຊ່ວຍ​ວ່າ​ການ​ກະ​ຊວງ​ສຶກ​ສາ​ທິ​ການແລະກິ​ລ​າ, ມີ​ຕາງ​ໜ້າ​ກົມ​ຈັດ​ຕັ້ງແລະພະ​ນັກ​ງານ​ໃຫ້​ກຽດ​ເປັນ​ສັກ​ຂີ​ພະ​ຍານ, ຫົວ​ໜ້າ​ກົມ​ກິດ​ຈະ​ກາ​ນັກ​ສຶກ​ສາ​ພ້ອມ​ດ້ວຍ​ຄະ​ນະແລະບັນ​ດາ​ພະ​ນັກ​ງານ​​ທັງ​ໝົດ​ຂອງ​ກົມ​ກໍ​ໄດ້​ເຂົ້າ​ຮ່ວມ​ຢ່າງ​ພ້ອມ​ພຽງ​ງ​ຮຽງ​ໜ້າ.     

      ໃນ​ໂອ​ກາດ​ດັ່ງ​ກ່າວ, ທ່ານສ​ຈ.ດ​ຣຄຳ​ລື​ຊານວນ​ສະ​ຫວັນຫົວ​ໜ້າ​ກົມ​ກິດ​ຈະ​ກາ​ນ​ນັກ​ສຶກ​ສາກ່າ​ວ​ວ່າ: ​ສຳ​ລັບ​ພະ​ນັກ​ງານ​ທີ່​ໄດ້​ຮັບ​ໃບ​ຍ້ອງ​ຍໍ​ໃນ​ຄັ້ງ​ນີ້ມີ​ທັງ​ໝົດ24 ທ່ານ, ຍິງ11 ທ່ານ. ໃນ​ນັ້ນ, ແບ່ງ​ໃບ​ຍ້ອງ​ຍໍ​ຂັ້ນ​ກະ​ຊວງ​ຈຳ​ນວນ15 ທ່ານ, ຍິງ7 ທ່ານ ໃຫ້​ກຽດ​ມອບ​ໂດຍ​ທ່ານ​ລັດ​ຖະ​ມົນ​ຕີ​ຊ່ວຍແລະໃບ​ຍ້ອງ​ຍໍ​ຂັ້ນ​ກົມ9 ທ່ານ, ຍິງ4 ທ່ານ ໃຫ້​ກຽດ​ມອບ​ໂດຍ​ທ່ານ​ຫົວ​ໜ້າ​ກົມມອບ​ແກ່​ຜູ້ທີ່​ມີ​ຜົນ​ງານດີ​ເດັ່ນ​ໃນ​ການ​ປະ​ຕິ​ບັດ​ໜ້າ​ທີ່​ວຽກ​ງານ​ສະ​ເພາະປະ​ຈຳ​ສົກ​ປີ2012-2013 ເຊິ່ງ​ເຫັນ​ວ່າສາ​ມາດ​ບັນ​ລຸ​ຈຸດ​ປະ​ສົງ​ລະ​ດັບ​ຄາດ​ໝາຍ​ຂອງ​ແຜນ​ປີ2012-2013. ເວົ້າ​ລວມ​ເວົ້າ​ສະ​ເພາະພະ​ນັກ​ງານ​ພາຍ​ໃນ​ກົມ​ແມ່ນໄດ້​ເອົາ​ໃຈ​ໃສ່​ຈັດ​ຕັ້ງ​ປະ​ຕິ​ບັດ​ຢ່າງ​ຕັ້ງ​ໜ້າ​ໃນ​ກນ​ຄຸ້ມ​ຄອງ​ນັກ​ສຶກ​ສາ, ເຊິ່ງວຽກ​ດັ່ງ​ກ່າວ​ເປັນ​ວຽກ​ທີ່​ໜັກມີ​ທັງ​ການ​ສ້າງ​ນິ​ຕິ​ກຳ, ວຽກ​ງານ​ສະ​ຖິ​ຕິ, ການ​ຄຸ້ມ​ຄອງ​ທຶນ​ການ​ສຶກ​ສາ, ການ​ຈັດ​ສົ່ງ​ນັກ​ສຶກ​ສາ​ໄປ​ຮຽນ​ຕ່າງ​ປະ​ເທດການ​ຕິດ​ຕາມ​ດູ​ແລ​ນັກ​ສຶກ​ສາ​ທີ່​ຮຽນ​ຈົ​ບແລະບໍ່​ຈົບ​ກັບ​ມາ​ຈາກ​ຕ່າງ​ປະ​ເທດ, ການ​ເຮັດ​ໃບ​ນຳ​ສົ່ງ​ຜູ້​ທີ່​ຮຽນ​ຈົບທີ່​ເປັນ​ພະ​ນັກ​ງານກັບ​ຄືນ​ການ​ຈັດ​ຕັ້ງ​ທີ່​ຕົນ​ສັງ​ກັດ​ແລະຊ່ວຍ​ຊອກ​ວຽກ​ເຮັດ​ງານ​ທຳ​ໃຫ້​ນັກ​ສຶກ​ສາ​ທີ່​ຮຽນ​ຈົບຕາມ​ການ​ສະ​ເໜີ, ການ​ຕິດ​ຕາມ​ສະ​ພາບ​ການ​ຊອກ​ວຽກ​ຂອງ​ຜູ້​ຮຽນ​ຈົບແລະອື່ນໆ.

     ໃນຕອນ​ທ້າ​ຍ, ທ່ານລັດ​ຖະ​ມົນ​ຕີ​ຊ່ວຍ​ວ່າ​ກ​ກະ​ຊວງ​ສຶກ​ສາ​ທິ​ການແລະກິ​ລາກໍ​ໄດ້​ຂຶ້ນ​ມີ​ຄຳ​ເຫັນໃຫ້​ຄຳ​ໂອ​ວາດ​ຕັກ​ເຕືອນແລະກ່າວ​​ຍ້ອງ​ຍໍ​ຊົມ​ເຊີຍຜູ້​ທີ່​ມີ​ຜົນ​ງານ​ດີ​ເດັ່ນ​ທັງຫຼາຍ.